PSICÓLOGO/A

Na Asociación Arraianas precisamos incorporar ao noso equipo de traballo un ou unha profesional da psicoloxía. Funcións do posto: -Identificación, avaliación e seguimento das posibles vulnerabilidades e necesidades particulares de atención das persoas participantes dos proxectos da entidade. -Derivacións a recursos especializados de atención de posibles situacións que requiran atencións específicas. -Deseño e dinamización de actividades grupais de temáticas de interese para as persoas atendidas na entidade. -Promoción da saúde mental das persoas atendidas pola entidade. -Intervención en situacións de crise. Traballo de mediación en situacións de conflito. -Elaboración de informes psicolóxicos de uso interno e/ou para distintas administracións cando sexa preciso acreditar determinadas situacións de vulnerabilidade. -Realización de acompañamentos a recursos especializados e/ou administracións no caso de valorarse preciso. -Promover no equipo de traballo o coñecemento actualizado da realidade psicolóxica da migración e/ou doutras situacións de vulnerabilidade. -Cumprimento dos requirimentos legais, documentais e de rexistro dos proxectos. -Elaboración de memorias, informes e propostas de mellora dos proxectos así como tarefas na xestión administrativa dos mesmos. -Coordinación e seguimento con membros do resto do equipo de Arraianas así como con técnicos/as de outras entidades e/ou organismos públicos. -Acompañamento ao equipo en prácticas e/ou voluntario da entidade. Perfil Requisitos mínimos: -Titulación universitaria en Psicoloxía. -Estar colexiada e ter habilitación como Psicólogo/a Xeral Sanitario/a. -Alta competencia cultural e experiencia en traballo con persoas migrantes e/ou solicitantes de Protección Internacional. -Experiencia acreditada no posto de 2 anos. -Coñecemento dos recursos sociais e de saúde da contorna. -Dominio das linguas cooficiais. -Dominio de ferramentas informática: Word, Excel, Power Point, Bases de Datos, etc. -Certificación negativa de delitos de natureza sexual. -Alta sensibilidade, compromiso social e compromiso cos valores da entidade. Requisitos desexables: -Formación en igualdade e migracións. -Formación en Terapia Familiar Sistémica. -Experiencia no Terceiro Sector. -Idiomas: inglés, francés e/ou árabe. -Carnet de conducir B1. -Coche propio. Condicións laborais: -Tipo de Contrato: Temporal ata 31/12/2026. -Xornada: completa. -Remuneración: A establecida para a categoría profesional do Grupo I do Convenio Colectivo Estatal de Acción e Intervención Social. -Data límite de recepción de candidaturas: 22/06/2026.